LEGISLACIÓN REGULAMENTO DO CONSELLO ESCOLAR MUNICIPAL DE NIGRÁN

 BOLETÍN OFICIAL DE PONTEVEDRA Nº 219 – Miércoles 14 noviembre 2001

NIGRÁN

Expediente nº 2001/066s

Asunto: Regulamento do Consello Escolar muni­cipal de Nigrán.

Procedemento: Aprobación de disposicións de carácter xeral.

Trámite: Publicación.

Norma de aplicación: Art. 70.2 e concordantes da Lei 7/1985, de 2 de abril, Reguladora das Bases do Réxime Local.

Aprobación: Pleno do Concello, en sesión do 28 de xuño de 2001.

Tra-la información pública no Boletín Oficial da provincia do 7 de agosto de 2001 quedou elevado a definitivo o mencionado acordó polo que se aproba o expresado Regulamento. O texto do mesmo publí­case no Anexo.

ANEXO

REGULAMENTO DO CONSELLO ESCOLAR MUNICIPAL DE NIGRÁN

LIMIAR

A Lei 3/1986, do 18 de decembro, dos Conse­llos Escolares de Galicia establece, no seu arti­go 15.2, que os municipios que dispoñan polo menos dun colexio de E.X.B. deberán constitui-lo Consello Escolar Municipal. Por outra parte, o artigo 17.2 determina que os concellos poderán toma-la iniciativa da constitución dos seus respectivos consellos escolares municipais, fixando as normas regulamentarias de procedemento e comunicándolle á Consellería de Edu­cación o acordó municipal adoptado. De con-formidade coa referida disposición legal, tendo en conta as previsións do Decreto 44/1988, do 11 de febreiro, polo que se regulan os Consellos es­colares e as demais normas de aplicación, for­múlase o presente Regulamento.

Artigo 1.—Finalidade.

O Consello Escolar Municipal de Nigrán (CEMN) constitúese como órgano de consulta e participación dos sectores afectados na programa­ción do ensino non universitario e na planificación dos centros escolares no termo municipal.

Artigo 2.—Competencias

O CEMN será consultado e emitirá os informes e propostas relacionadas coas cuestións previstas nas disposicións aplicables.

Artigo 3.—Composición

O abeiro do disposto no artigo 16, apartado b), da Leí 3/86 e no artigo 30 do Decreto 44/88, o Consello Escolar Municipal de Nigrán (CEMN), estará composto polos seguintes membros:

a) Presidente/a; O/a alcalde/sa ou membro da Corporación en quen delegue.

b) Profesorado: Sete profesores dos niveis edu­cativos correspondentes ó ámbito do ensino non universitario de Galicia, propostos por sindicatos ou asocíacións profesionais, en proporción ás representacións obtidas no municipio nas eleccións sindicáis respectivas, no sector docente, do seguinte xeito:

- Cinco do ensino público.

- Dous do ensino privado.

c) Nais/pais e alumnos: Cairo nais/pais de alumnos propostos polas federacións de asociacións de país de alumnos e tres alumnos elixidos polos representantes dos alumnos nos Consellos Escolares dos centros existen­tes no municipio.

d) Outros sete membros designados polo Concello, do seguinte xeito:

- O director dun dos centros docentes públi­cos do municipio, proposto polos directores deses centros.

- Un representante proposto polo sindicato máis representativo no ámbito docente no termo municipal.

- Un representante proposto pola/s asociación/s de empresarios do municipio.

- O titular dun dos centros privados e con­certados do municipio, á proposta dos mesmos.                               

- Un representante das asociacións de veci­nos inscritas no rexistro municipal corres­pondente, á proposta das mesmas.

- Un representante dos movementos de reno­vación pedagóxica, á proposta dos mesmos.

- Un especialista en temas educativos nomeado polo Concello.

No caso de que no prazo dun mes non se for­mulen propostas que se axusten ó anterior­mente sinalado, o Concello realizará libre­mente a designación entre persoas nas que se dea algunha das condicións enumeradas.

e) Un funcionario representante da Administra­ción educativa, designado por esta.

Artigo 5.—Organización.

l^º.—A Presidencia.

O/a presidente/a do CEMN terá as seguintes funcións:

* Representar ó CEMN.

* Convocar, presidi-las sesións e modera-los debates do Pleno e da Comisión Permanente do CEMN, decidindo os empates co voto de calidade.

* Autorizar coa súa sinatura os acordos do Pleno do CEMN.

* As demáis funcións inherentes á súa condi­ción de presidente do órgano.

2°—O Pleno. Serán competencias do Pleno de CEMN:

* Emitir os informes e propostas sobre as ma­terias ás que se refire o art. 27 do Decreto 44/88 e demáis normas de aplicación.

* Elixi-los membros da Comisión Permanente.

* Aproba-la creación de comisións de traballo.

 3°.—A Comisión Permanente.

Formada polo presidente, dous profesores, un pai ou nai, un alumno/a, e dous representantes do grupo de outros membros, será a encargada de pre­parar os asuntos que deban someterse ó CEMN e de xestiona-los asuntos que lle encomende o Pleno ou o Presidente.

4^º.—A Secretaría.

Actuará como Secretario o.traballador do Concello que designe o Alcalde, preferentemente entre o persoal que preste os seus servicios no departa­mento con competencias en materia de educación. Redactará as actas do CEMN, custodiará os docu­mentos do Consello, e realizará os demáis cometi­dos inherentes á súa función.

Artigo 6.—Funcionamento.

1.—Funcionamento do Pleno do CEMN:

a)Constitución inicial. Será necesario que asis­tan, como mínimo, a maioría absoluta dos membros que o compoñen. De non acadarse o quórum establecido, procederase a unha nova convocatoria nun prazo máximo de 7 días, podendo constituirse se concorre un tercio dos membros.

b) Sesións. Celebrará tres sesións ordinarias ó ano, unha ó cuadrimestre, coincidíndo cos meses de setembro, febreiro e xuño.

As sesións extraordinarias convocaranse á iniciativa da Presidencia ou se o solicita por escrito, como mínimo, unha terceira parte dos vocais.

As convocatorias realizaranse cunha antela­ción mínima de 72 horas.

c) Quórum de asistencia. Para válida celebra­ción das sesións deberán concorrer, en primeira convocatoria, polo menos a maioría absoluta dos membros de dereíto e, en segun­da convocatoria, media hora máis tarde, a terceira parte.

Sempre será necesaria a presencia do Presi­dente e do Secretario.

d) Acordos. Os acordos adoptaranse por maioría dos votos dos asistentes.

2.—Funcionamento da Comisión Permanente:

Reunirase cando a convoque o Presidente ou á petición da maioría absoluta dos seus membros. Para a válida celebración das súas reunións debe­rán asistir, polo menos dous membros, ademáis do Presidente.

3.—O CEMN terá a súa sede nas dependencias municipais.

Artigo 7.—Renovación.

O mandato dos vocais do CEMN será de dous cursos académicos, renovándose preferentemente os seus membros no mes de setembro.

Os membros tamén perderán a súa condición no momento en que deixen de pertencer os gru­pos que os propuxeron, ou as súas organizacións perdan a representatividade que lles permitiu nomealos.

No caso de producirse algunha vacante, deberá ser cuberta nun prazo máximo de dous meses. O novo membro será designado polo tempo que reste para completa-Ío mandato do seu antecesor.

Artigo 8.—Outras disposicións.

Sen prexuízo do establecido na Lei 3/86, do 18 de decembro, de Consellos Escolares de Ga­licia e no Decreto 44/88, do 11 de febreiro, para o non previsto no presente Regulamento, será de aplicación supletoria a lexislación do réxime local.

Nigrán, a 26 de outubro de 2001.—O Alcalde, José Manuel Rial Cadaval.